Pangalawang Punong Bayan, Bise-Alkalde, o Vice Mayor. Siya ang namumuno sa lehislatibong sangay ng pamahalaang bayan, ang presiding officer ng Sangguniang Bayan na nangunguna sa mga pagpupulong nito. Pinamumunuan at sinusuportahan ang pagpapasa ng mga ordinansa, resolusyon at iba pang programa na maingat na binuo ayon sa pangangailangan ng mga Angatenyo. Nakikipagtulungan sa bawat Kagawad ng Sangguniang Bayan upang maayos na matupad ang kanilang sinumpaang tungkulin na maglingkod para sa lalong ikauunlad ng bawat mamamayan.