Zumba Taboc Movers, Mangunguna sa muling Paghataw sa Zumba Nights sa Angat Food Park

Muling magpapatuloy ang masiglang gabi sa Angat Food Park 2026 sa muling pagtatanghal ng pampublikong Zumba Nights ngayong Oktubre 15, 2026.

Sa pagkakataong ito, ang grupo ng Zumba Taboc Movers ang mangunguna sa paghahatid ng masayang pagsasayaw at pag-eehersisyo para sa mga bumibisita sa Food Park.

Ang patuloy na pagsasagawa ng Zumba Nights ay layuning maghatid ng masayang libangan at isulong ang aktibo at malusog na pamumuhay sa komunidad, habang hinihikayat ang mga mamamayan na tangkilikin ang mga lokal na kainan at negosyo sa bayan.

Inaanyayahan ng Pamahalaang Bayan ng Angat ang lahat ng mga pamilya, kabataan, at residente na makisali sa pagsasayaw at makiisa sa patuloy na pagdiriwang sa Angat Food Park 2026.