Yellow Rainfall Warning, Itinaas sa Bulacan at Iba Pang Lalawigan Dahil sa LPA; Angat MDRRMO, Nakaalerto

Naglabas ng Heavy Rainfall Warning No. 4 ang PAGASA-NCR PRSD ngayong araw, Hulyo 29, 2026, ganap na ika-2:00 ng hapon, bunsod ng umiiral na Low Pressure Area (LPA) na nagdadala ng mga pag-ulan sa malaking bahagi ng Luzon.

Nakalagay sa ilalim ng YELLOW WARNING LEVEL ang lalawigan ng Bulacan, pati na rin ang Metro Manila, Rizal, Bataan, at mga bahagi ng Quezon, Laguna, at Pampanga.

Ayon sa opisyal na ulat ng panahon, ang ibinababang Heavy Rainfall Warning ay may dalang banta ng mga sumusunod:

• Pangunahing Banta (Hazard): Posibleng pagbaha (flooding) sa mga mabababang lugar o flood-prone areas.

• Patuloy na Pagmamanman: Pinapayuhan ang publiko at ang mga lokal na Disaster Risk Reduction and Management Offices (DRRMOs) na patuloy na subaybayan ang kalagayan ng panahon.

• Susunod na Anunsyo: Inaasahan ang kasunod na babala mula sa PAGASA pagdating ng ika-5:00 ng hapon ngayong araw.

Pinapayuhan ang lahat ng mamamayan ng Angat, lalo na ang mga naninirahan malapit sa ilog, sapa, at mga mabababang barangay, na maging maingat at ihanda ang mga kinakailangang kagamitan kung sakaling tumaas ang antas ng tubig.