World Environmental Health Day

Alinsunod sa Proclamation No. 595 na nilagdaan noong Oktubre 1, 2018, kung saan itinatalaga ang Setyembre 26 ng bawat taon bilang World Environmental Health Day sa Pilipinas, muli nating binibigyang-diin ang mahalagang ugnayan ng kalikasan at kalusugan ng tao.

Ang malinis na hangin, sapat at ligtas na tubig, maayos na pamamahala ng basura, at ligtas na kapaligiran ay pundasyon ng kalusugan at kalidad ng pamumuhay.

Sa pangunguna ng Pamahalaang Bayan ng Angat, kaagapay ang bawat sektor ng lipunan, patuloy nating isusulong ang mga programang nakatuon sa pangangalaga ng kapaligiran at kalusugan. Layunin nating makapagtatag ng isang pamayanang mas malusog, mas maaliwalas, mas ligtas, at mas handa—hindi lamang para sa kasalukuyan kundi para rin sa susunod na henerasyon.