Weekly Clean-Up Drive, Isinagawa sa Barangay Paltok

Nakiisa ang pamunuan at mga residente ng Barangay Paltok sa isinagawang Weekly Clean-Up Drive nitong Sabado, May 2, 2026.

Ang lingguhang paglilinis na ito ay bahagi ng patuloy na programa ng barangay upang mapanatiling maayos, malinis, at ligtas sa mga sakit ang buong komunidad. Sama-samang nilinis ng mga opisyal at mga boluntaryong mamamayan ang mga pangunahing kalsada at mga pampublikong lugar sa paligid.

Nagpasalamat ang Sangguniang Barangay sa lahat ng nag-alay ng panahon at lakas para sa aktibidad, at muling nagpaalala sa publiko na ugaliin ang pagpapanatili ng kalinisan sa tapat ng kani-kanilang tahanan.