Walang Pasok sa mga Tanggapan ng Pamahalaan sa Disyembre 29 at Enero 2

Opisyal na inanunsyo ng Pamahalaang Bayan ng Angat ang suspensyon ng trabaho sa lahat ng tanggapan ng gobyerno sa darating na Disyembre 29, 2025 (Lunes) at Enero 2, 2026 (Biyernes).

Ang hakbang na ito ay alinsunod sa Memorandum Circular No. 111 na inilabas ng Malacañang. Layunin ng proklamasyong ito na bigyan ang mga kawani ng pamahalaan ng sapat na pagkakataon na makasama ang kanilang pamilya sa pagdiriwang ng Bagong Taon.

Pinapaalalahanan ang publiko na ayusin nang mas maaga ang kanilang mga transaksyon sa munisipyo bago ang mga itinakdang petsa upang maiwasan ang anumang abala.

Inaasahang magpapatuloy ang regular na operasyon sa mga ahensyang nagbibigay ng direktang serbisyong pangkalusugan, pagtugon sa sakuna, at iba pang mahahalagang serbisyong pang-emergency.