Venue ng PhilSys National ID Registration sa Angat, Inilipat sa Evacuation Center ng San Roque

Angat, Bulacan — Ipinabatid ng Pamahalaang Bayan ng Angat na inilipat ang venue ng PhilSys National ID registration ngayong araw dahil sa dami ng bilang ng mga aplikante na dumalo para sa nasabing aktibidad.

Ayon sa anunsyo, ang bagong venue ng registration ay sa Evacuation Center sa Barangay San Roque, Angat, Bulacan.

Hinihiling ng lokal na pamahalaan ang pang-unawa at pakikipagtulungan ng publiko upang maisagawa nang maayos at mabilis ang proseso ng pagpaparehistro.

Patuloy namang pinapaalalahanan ang lahat ng aplikante na sundin ang mga panuntunan at health protocols sa lugar ng registration.

“Maraming salamat po sa inyong kooperasyon,” ayon sa opisyal na pahayag ng LGU.