Unified 911, Handa sa Pagtugon sa anumang Emergency sa Bayan

Upang mas mapabilis ang pagpapadala ng tulong sa mga mamamayan sa oras ng pangangailangan, muling binibigyang-diin ng Lokal na Pamahalaan ang paggamit ng Unified 911 bilang pangunahing numero para sa lahat ng uri ng emergency.

Ang sistemang ito ay idinisenyo upang maging "one-stop shop" para sa mabilis na koordinasyon ng mga sumusunod na serbisyo:

• Police Response: Para sa mga krimen, kaguluhan, at banta sa seguridad.

• Medical Assistance: Para sa mga aksidente, biglaang pagkakasakit, at pangangailangan ng ambulansya.

• Fire Response: Para sa mga insidente ng sunog sa kabahayan o establisyimento.

• Disaster Response: Para sa mga sakunang dulot ng baha, bagyo, at iba pang kalamidad.

Sa pamamagitan ng pagtawag sa 911, agad na maikokonekta ang biktima o tumatawag sa tamang ahensya gaya ng PNP, BFP, MDRRMO, at mga medical teams. Layunin nito na bawasan ang "response time" at masiguro na maililigtas ang buhay at ari-arian ng mga mamamayan.