FAB-G Marungko, Tampok sa Zumba Nights Ngayong Gabi!

Bahagi pa rin ng patuloy na pagtataguyod sa Angat Food Park 2026, tampok sa ikalawang araw ng panggabing aktibidad ang grupo ng FAB-G Marungko na mag-aakay sa mga mamamayan sa dalawang oras na masiglang sayawan mula 5:00 PM hanggang 7:00 PM.

Ayon sa BPLO Angat, naglalayon ang patuloy na pagsasagawa ng Zumba Nights na mapanatiling masigla ang komunidad habang itinaguyod ang malusog na pamumuhay at pampamilyang bonding ng mga Angatenyo.

Inaanyayahan ng tanggapan ang publiko na patuloy na makisaya sa mga inihandang aktibidad at tangkilikin ang iba't ibang kainan at negosyo sa Angat Food Park 2026 kasama ang pamilya at mga kaibigan.