Tulungan tayo, Angatenyo!

Sa kabila ng mainit na panahon, buong puso ang mga enumerator na nagpupunta sa ating mga tahanan upang personal na kumalap ng mga impormasyon para sa Municipal Database Monitoring System (MDMS). Paraan ito ng pagsusuri at pag-tutugma ng mga datos na makakatulong sa mas mabilis at mas maayos na pagtugon sa mga pangangailangan ng bawat isa sa atin.

Kaya naman isang pakiusap na magalak natin silang tanggapin at makibahagi. Sa paglahok natin sa sistema, nagbibigay tayo ng pagkakataon sa ating sarili na maging bahagi ng pagbabago. Ang bawat impormasyong ibinibigay natin ay nagiging susi sa mas epektibong pagpaplano at pagbibigay ng serbisyong pangkomunidad.