Tulong sa mga Motorista sa Purok 6, Pinasalamatan ng Brgy. Pulong Yantok

Nagpaabot ng taos-pusong pasasalamat ang Pamahalaang Barangay ng Pulong Yantok, sa pamumuno ni Kapitan Renato C. San Pedro at ng kaniyang mga kasapi sa Sangguniang Barangay, ukol sa naipagkaloob na tulong at proyekto para sa kanilang komunidad.

Binigyang-diin ng pamunuan ng barangay ang malaking kapakinabangan ng naturang inisyatibo, partikular na sa pagpapadali at pagpapaseguro ng biyahe ng mga motoristang araw-araw na dumadaan sa kahabaan ng Purok 6.