Top 1 Most Wanted sa Angat (Murder Case), Naaresto ng Pulisya

ANGAT, BULACAN — Naaresto ng Tracker Team ng Angat Municipal Police Station ang isang Top 1 Most Wanted Person (Municipal Level) na may kasong Murder, sa isang operasyon na isinagawa noong Nobyembre 2, 2025, bandang alas-12:00 ng tanghali.

Pinangunahan ni PCPT Jayson M. Viola, OIC ng Angat MPS, ang operasyon na nagresulta sa pagkakaaresto ng suspek na kinilalang si alias RRDS. Ang pagkakaaresto ay base sa Warrant of Arrest sa kasong Murder sa ilalim ng Criminal Case No. 7017-M-2024, na ipinalabas ng Regional Trial Court, Malolos noong Disyembre 11, 2024, at may walang inirerekomendang piyansa.

Ayon sa ulat, ipinaalam sa suspek ang kanyang mga karapatan sa wikang nauunawaan niya, alinsunod sa umiiral na batas. Kasalukuyan siyang nasa kustodiya ng Angat Police Station para sa paghahanda ng mga kaukulang dokumento bago ibalik sa korte.

Ang operasyong ito ay bahagi ng pinaigting na kampanya ng PNP laban sa kriminalidad at ilegal na droga, sa ilalim ng 7 Focus Agenda ng Chief PNP, at ng 3Ps (Predict, Plan, Prevent) framework ng PBGEN Peñones, Regional Director, at PCOL Angel L. Garcillano, Provincial Director ng Bulacan PPO.

Ayon sa pulisya, patuloy nilang paiigtingin ang pagtugis sa mga kriminal upang mapanatiling ligtas at payapa ang buong komunidad.