TESDA SMAW NC I Training Isinasagawa sa Barangay Binagbag

BINAGBAG, ANGAT, BULACAN — Patuloy ang pagsasanay para sa mga nais magkaroon ng technical skills sa ilalim ng TESDA Shielded Metal Arc Welding (SMAW) NC I, na kasalukuyang isinasagawa sa Barangay Binagbag.

Layunin ng programang ito na bigyan ng oportunidad ang mga kalahok na matutunan ang tamang teknik sa welding at magkaroon ng national certification, na maaaring magamit sa paghahanap ng trabaho sa loob o labas ng bansa.

Ang inisyatibo ay bahagi ng pagpupunyagi ng TESDA at ng lokal na pamahalaan na mapalakas ang kakayahan ng mga mamamayan sa larangan ng teknikal at bokasyonal na edukasyon.