Teenage Pregnancy at HIV-AIDS Awareness Seminar, Isinagawa sa Angat National High School

Noong Agosto 22, 2025, isinagawa sa Angat National High School, Taboc, Angat, Bulacan ang isang seminar hinggil sa Teenage Pregnancy at HIV-AIDS Awareness sa pakikipagtulungan ng Municipal Population Development Office.

Layunin ng aktibidad na magbigay ng sapat na kaalaman sa mga kabataan upang maiwasan ang maagang pagbubuntis at maprotektahan ang kanilang sarili laban sa HIV-AIDS at iba pang sakit na nakukuha sa pakikipagtalik.

Sa pamamagitan ng programang ito, inaasahang magiging mas responsable at handa ang mga kabataan sa paggawa ng mahahalagang desisyon para sa kanilang kinabukasan.