Sitio Bagong Silang, Sumailalim sa Lingguhang Clean-Up Drive ng Barangay Baybay

Patuloy ang pagpapaigting ng kampanya para sa kalinisan sa Barangay Baybay matapos isagawa ang Weekly Clean-Up Drive sa Sitio Bagong Silang nitong ika-7 ng Pebrero, 2026.

Sa pakikipagtulungan ng mga residente at opisyal ng barangay, nilinis ang mga kalsada at mga daluyan ng tubig sa nasabing sitio. Ang proyektong ito ay bahagi ng adbokasiya ng barangay na mapanatiling maayos ang kapaligiran at maiwasan ang pagdami ng mga insekto na nagdadala ng sakit gaya ng Dengue.

Pinuri ng pamunuan ng barangay ang aktibong pakikilahok ng mga taga-Sitio Bagong Silang at muling ipinaalala na ang disiplina sa basura ay susi sa isang masiglang komunidad.