Serbisyong SSS, Ilalapit sa Barangay Taboc sa Pamamagitan ng 'SSS E-Wheels' Program

Isang magandang balita para sa mga residente ng Barangay Taboc at mga karatig-lugar! Upang mas mapabilis at mailapit sa pintuan ng mga mamamayan ang mga serbisyo ng pamahalaan, nakatakdang dumating ang programang "SSS E-Wheels" sa Barangay Taboc, Angat, Bulacan.

Sa pamamagitan ng inisyatibang ito, hindi na kailangan pang bumiyahe nang malayo at pumila sa mga pangunahing sangay ng Social Security System (SSS) dahil ang mga kawani na mismo ng ahensya ang magtutungo sa inyong barangay upang maghatid ng iba't ibang serbisyo.

Narito ang mga mahahalagang serbisyong medadaanan ng mga miyembro at nagnanais maging miyembro:

• Pagkuha ng SSS Number: Paggabay at tulong sa pag-isyu ng bagong SSS number sa pamamagitan ng My.SSS portal.

• My.SSS Transactions: Tulong sa pag-navigate at pagproseso ng mga transaksyon sa inyong online account.

• SSS Mobile App at TOTP Registration: Paggabay sa pag-install ng SSS Mobile App sa inyong mga smartphone, pagtuturo sa paggamit ng website, at pag-activate ng Time-based One-Time PIN (TOTP) para sa mas ligtas na log-in.

• General Inquiry: Pagsagot sa mga pangkalahatang katanungan ukol sa kontribusyon, pautang, at iba pa.

• Data Updating: Pagtanggap at pag-encode ng mga hiling para sa pagpapalit o pag-update ng contact information ng miyembro.

• ACOP Compliance: Pagpoproseso ng Annual Confirmation of Pensioners (ACOP) para sa mga pensyonado.

• Mga Form para sa Claims: Pag-isyu ng mga pisikal na pormularyo para sa mga aplikasyon ng benepisyo o claims na hindi sakop ng mandatory online filing.

  
  

Pinapayo sa lahat ng mga nagnanais sumangguni na ihanda ang kanilang mga kaukulang dokumento tulad ng valid IDs, lumang SSS records, at mga smart phones para sa mga nais magpa-asikaso ng kanilang mga online accounts.