RHU Angat, Nagsagawa ng ‘Operation Tuli’ sa Binagbag Health Station

Upang maghatid ng dekalidad at abot-kayang serbisyong medikal sa mga residente, matagumpay na naisagawa ng Rural Health Unit (RHU) ng Angat ang isang "Operation Tuli" nitong nakaraang Abril 17, 2026, sa Binagbag Health Station.

Ang nasabing aktibidad ay bahagi ng patuloy na programa ng lokal na pamahalaan upang mailapit ang mga pangunahing serbisyong pangkalusugan sa mga barangay. Layunin nitong mabigyan ng libre at ligtas na serbisyo ang mga kabataang lalaki sa komunidad, habang nagbibigay ng ginhawa sa mga magulang na nais ipasagawa ito nang libre.

Binigyang-diin ng RHU Angat na ang kalinisan at sanitary standards ang prayoridad sa bawat medical mission na kanilang isinasagawa. Ang paglulunsad ng Operation Tuli sa Binagbag Health Station ay nagsilbing pagkakataon upang matiyak na ang bawat kabataang sumailalim sa pamamaraan ay ligtas at maayos na nabigyan ng atensyong medikal ng mga dalubhasang health workers.