PY Tribe, Pangungunahan ang Zumba Night sa Angat Food Park

Muling maghahatid ng masiglang pagsasayaw ang Pamahalaang Bayan ng Angat sa gaganaping Zumba Night ngayong Huwebes, Oktubre 22, 2026, sa Angat Food Park.

Para sa gabing ito, ang PY Tribe ang magsisilbing lead instructors upang gabayan ang mga mamamayang Angatenyo sa isang masayang gabi ng pag-eehersisyo at pagsasayaw sa dance floor.

Ayon sa Pamahalaang Bayan ng Angat, ang tuloy-tuloy na pagsasagawa ng Zumba Nights ay naglalayong isulong ang malusog na pamumuhay at pagkakaisa sa komunidad, habang nagbibigay ng magandang oportunidad sa mga residente na tumangkilik sa mga lokal na kainan at negosyante sa Food Park matapos mag-ehersisyo.

Inaanyayahan ng lokal na pamahalaan ang buong komunidad na dumalo at makiisa sa masayang gabi ng sayawan at food trip kasama ang kanilang mga pamilya at kaibigan.