Puwersa ng Rescuers at Bumbero, Nagsanib sa Pagbabantay: MDRRMO Angat, Todo-Ikot sa mga ‘Hotspots’ sa Ilog

Sa gitna ng dagsa ng mga bakasyunista, mas pinatibay pa ang seguridad sa kahabaan ng Ilog Angat nitong ikaapat na araw ng Oplan SUMVAC 2026. Ito ay matapos magsanib-puwersa ang Municipal Disaster Risk Reduction and Management Office (MDRRMO), Angat Rescue Team, at mga tauhan mula sa BFP R3 Angat Fire Station - Bulacan.

Ang magkatuwang na puwersa ay nagsagawa ng malawakang pag-iikot sa mga barangay na natukoy na "Hotspots" o mga lugar na pinaka-dinadayo ng mga indibidwal at grupo na nais magpalamig at maligo sa ilog. Layunin ng nasabing joint operation na matiyak na nasusunod ang mga safety protocols at mabilis na makatugon sa anumang sakuna.

Pangunahing tinutukan sa pag-iikot ang mga sumusunod:

• Group Monitoring: Pagbibigay ng paalala sa mga malalaking grupo ng turista tungkol sa limitasyon at panganib sa ilang bahagi ng kailugan.

• Fire Safety & Rescue Readiness: Ang presensya ng BFP at Rescue Team ay naglalayong magbigay ng agarang tulong, hindi lamang sa usapin ng pagkalunod kundi pati na rin sa iba pang emergency sa paligid.

• Hotline Awareness: Pagpapakalat ng mga emergency hotlines ng Bayan ng Angat upang maging mabilis ang ugnayan ng publiko sa mga awtoridad.

Muling nagpapaalala ang departamento sa lahat na maging maingat at mapanuri sa kalagayan ng ilog.