Pulong Yantok, Isinagawa ang Unang Monthly Meeting para sa Pebrero

Upang masiguro ang kaayusan at mabilis na pagtugon sa mga usaping legal sa komunidad, matagumpay na isinagawa ng Barangay Pulong Yantok ang Monthly Meeting ng Lupong Tagapamayapa ngayong ika-2 ng Pebrero, 2026.

Ang pagpupulong ay pinangunahan ng mga opisyal ng barangay katuwang ang mga miyembro ng Lupon. Ayon sa pamunuan, ang layunin ng bawat pagpupulong ay matiyak na nananatiling patas, mabilis, at mapayapa ang pagresolba sa anumang hidwaan sa loob ng Pulong Yantok.

Nagpasalamat ang Sangguniang Barangay sa dedikasyon ng mga miyembro ng Lupon na nagsisilbing tagapagtataguyod ng kapayapaan sa buong barangay.