Pulisya ng Angat, Naglabas ng Gabay Laban sa Pagnanakaw

Bilang bahagi ng kanilang masiglang Anti-Criminality Campaign, naglabas ng mga paalala ang Angat Municipal Police Station (MPS) upang tulungan ang mga mamamayan na makaiwas sa pagnanakaw.

Sa ilalim ng pamumuno ni PCPT Jayson M. Viola, OIC, binigyang-diin ng himpilan na ang pagiging mapagmatyag ay ang unang depensa laban sa mga krimen. Ang hakbang na ito ay bahagi ng adhikain ng pambansang pulisya na "Bagong PNP para sa Bagong Pilipinas," na naglalayong ihatid ang serbisyong mabilis, tapat, at nararamdaman ng bawat Angateño. Layon ng kampanyang ito na bigyan ng sapat na kaalaman ang publiko upang mapangalagaan ang kanilang mga ari-arian lalo na ngayong panahon ng holiday.