PNP Angat, Todo-Bantay sa mga Turista sa Brgy. Sta. Lucia para sa SUMVAC 2026

Bilang bahagi ng paghahanda sa dagsa ng mga bakasyonista ngayong tag-init, matagumpay na nagsagawa ng Police Visibility ang mga tauhan ng Angat Municipal Police Station (MPS) sa kahabaan ng riverside ng Barangay Sta. Lucia ngayong Biyernes, ika-27 ng Marso, 2026.

Sa ilalim ng pamumuno ni PMAJ JOEL M. ALBA, Acting Chief of Police, ang operasyon ay nagsimula sa ganap na alas-2:00 ng hapon. Layunin ng aktibidad na ito na magbigay ng babala at paalala sa mga lokal na turista hinggil sa mga insidente ng pagkalunod na naitala sa nasabing lugar, upang matiyak na ligtas ang bawat pamilyang nagnanais magpalamig sa ilog.

Bukod sa kaligtasan sa tubig, nakatuon din ang kapulisan sa pagsugpo ng mga krimen tulad ng:

• Theft (Pagnanakaw): Pagbabantay sa mga gamit ng mga bakasyonista.

• Motornapping: Siguraduhin ang seguridad ng mga sasakyang nakaparada sa paligid.

• Iba pang Modus Operandi: Pagpigil sa mga masasamang loob na posibleng manamantala ngayong Summer Vacation at Semana Santa.

• 
  

Ayon sa ulat ng Angat MPS, naging maayos ang ugnayan sa mga turista at residente, at natapos ang aktibidad nang payapa at walang anumang untoward incident. Ang ganitong mga hakbang ay bahagi ng adbokasiya ni PMAJ Alba na gawing "Ligtas Angat" ang bawat pasyalan sa bayan para sa kapanatagan ng lahat.