PNP Angat, Tiniyak ang Kaligtasan ng mga Residente sa Brgy. Sta. Lucia

Upang masiguro ang katahimikan at seguridad sa isa sa mga pangunahing kalsada ng bayan, muling nagsagawa ng masidhing Mobile Patrolling ang mga tauhan ng Angat Municipal Police Station (MPS) sa kahabaan ng M. Viola Highway, Brgy. Sta. Lucia ngayong ika-14 ng Marso, 2026.

Ang operasyon ay isinagawa sa ilalim ng direktang superbisyon ni PMAJ Joel M. Alba, Chief of Police, at pinangunahan ni PSSg Rodolfo Curampez (Patrol PNCO). Layunin ng aktibidad na ito na itaas ang antas ng police visibility sa lugar upang mapigilan ang anumang balak na krimen at mapanatili ang kaayusan sa komunidad.

Sa pamamagitan ng pag-iikot ng mga patrol vehicles, layon din ng PNP Angat na mabilis na makatugon sa anumang insidente o emergency na maaaring maganap sa kanilang area of responsibility. Ayon sa ulat ng himpilan, naging matagumpay ang pagpapatrolya at walang anumang untoward incident o hindi magandang pangyayari ang naitala sa buong panahon ng operasyon.