PNP Angat, Nakiisa sa Pananampalataya Kasama ang United Pentecostal Church

Bilang bahagi ng pagpapatibay ng aspetong ispiritwal at moral ng mga tagapagpatupad ng batas, ang Angat Municipal Police Station (MPS) ay regular na nakikibahagi sa mga gawaing pananampalataya kasama ang United Pentecostal Church (UPC) sa bayan ng Angat.

Ang nasabing ugnayan ay isinasagawa sa pangunguna ni Pastor Emil Peralta, kung saan nagtitipon ang mga kawani ng kapulisan at mga kaanib ng simbahan para sa isang panahon ng panalangin at pagbabahagi ng Salita ng Diyos. Ang inisyatibong ito ay alinsunod sa programa ng Philippine National Police (PNP) na naglalayong hubugin ang karakter ng mga pulis bilang mga lingkod-bayang may takot sa Diyos at malasakit sa kapwa.