PNP Angat, Nakiisa sa 4th Quarter Meeting Tungkol sa PopDev, LCPC, LCAT-VAW at GAD

Nakiisa ang mga tauhan ng Angat Municipal Police Station (MPS) sa isinagawang 4th Quarter Meeting na nakatuon sa apat na mahahalagang aspeto ng social development ng bayan.

Ang pagpupulong ay ginanap noong Disyembre 3, 2025, bandang 10:00 ng umaga, at pinangasiwaan ng Angat Municipal Social Welfare and Development (MSWD) Office.

Ang mga delegado ng Angat MPS ay pinangunahan ni PCPT MIRARI S CRUZ, ang Deputy Chief of Police (DCOP), sa ilalim ng pamumuno ni PCPT JAYSON M VIOLA, ang Officer-in-Charge.

Dinaluhan ang pulong nina Honorable Mayor Reynante Bautista at MSWD Head Menchie Bollas.

Ang pinagsamang pagpupulong ay tumalakay sa sumusunod na mga paksa:

• PopDev (Population and Development)

• LCPC (Local Council for the Protection of Children)

• LCAT-VAW (Local Committee on Anti-Trafficking and Violence Against Women and Their Children)

• GAD (Gender Awareness & Development)

Layunin ng pulong na patatagin ang inter-agency collaboration, palakasin ang pagpapatupad ng child protection at gender-responsive programs, at tiyakin ang tuloy-tuloy na pagsulong ng family welfare at community development sa loob ng Munisipalidad ng Angat.