PNP Angat, Nagsagawa ng ‘Visitation’ sa mga Establisyimento sa Bayan

Upang masiguro ang kaligtasan ng mga mamumuhunan at mamimili, muling nagsagawa ng masidhing Police Visibility and Business Visitation ang Angat Municipal Police Station (MPS) sa iba’t ibang establisyimento sa buong kabayanan ngayong ika-13 ng Marso, 2026.

Sa ilalim ng direktiba ni PMAJ Joel M. Alba, Acting Chief of Police, ang mga operatiba ng Angat MPS ay personal na bumisita sa mga bangko, sanglaan, convenience stores, at iba pang malalaking negosyo sa bayan. Layunin ng hakbang na ito na maipakita ang aktibong presensya ng kapulisan upang pigilan ang anumang balak na pagnanakaw o ilegal na aktibidad.