PNP Angat, Nagsagawa ng ‘Evening Formation’ at ‘Accounting’ ng mga Kawani

Upang matiyak ang disiplina at 100% na kahandaan ng kapulisan, regular na isinasagawa ng Angat Municipal Police Station (MPS) ang Evening Formation and Accounting of Personnel sa loob ng kanilang himpilan ngayong ika-13 ng Marso, 2026.

Ang nasabing aktibidad ay pinangunahan ng Duty Officer of the Day, sa ilalim ng mahigpit na superbisyon ni PMAJ Joel M. Alba, Acting Chief of Police. Layunin ng gawaing ito na masigurong kumpleto at nasa maayos na kalagayan ang lahat ng mga police personnel bago ang pagpapalit ng shift at pagpapatuloy ng mga operasyon sa gabi.

Sa isinagawang formation, binibigyan din ng kaukulang instruksyon at briefing ang mga pulis hinggil sa mga dapat tutukang lugar para sa night patrolling at iba pang security measures sa buong bayan. Binibigyang-diin din ang kahalagahan ng tamang kasuotan (Tamang Bihis) at ang pagpapanatili ng mataas na antas ng propesyonalismo sa pagtupad ng tungkulin.

Ayon sa PNP Angat, ang Evening Accounting ay isang mahalagang tradisyon at polisiya sa organisasyon upang matiyak na ang bawat miyembro ay handang rumesponde sa anumang oras at pagkakataon, lalo na sa pagbabantay sa katahimikan ng gabi sa Bayan ng Angat.