PNP Angat, Naglatag ng ‘Public Assistance Desk’ sa Tapat ng Pamilihang Bayan

Upang mas mailapit ang serbisyo ng kapulisan sa mga mamamayan, matagumpay na nagtayo ng Public Assistance Desk (PADS) ang Angat Municipal Police Station (MPS) sa tapat ng Angat Public Market, Brgy. San Roque ngayong ika-31 ng Marso, 2026.

Ang nasabing aktibidad ay isinagawa simula alas-2:00 ng hapon sa ilalim ng direktang pangangasiwa ni PMAJ JOEL M. ALBA, Chief of Police. Ang paglalagay ng PADS sa mataong lugar na ito ay estratehikong hakbang upang agad na makatugon sa anumang pangangailangan, katanungan, o sumbong ng mga mamamayang namamalengke at mga motorista sa paligid.

Pangunahing layunin ng inisyatibong ito ang mga sumusunod:

• Police-Community Partnership: Pagpapatatag ng tiwala at ugnayan ng pulisya at ng publiko.

• Crime Prevention: Pagpigil sa mga insidente ng kuryot, pandurukot, at iba pang krimen sa mataong lugar.

• Barangay Coordination: Pakikipagtulungan sa mga opisyales ng Brgy. San Roque para sa kaayusan ng trapiko at seguridad.

Ayon kay PMAJ Alba, ang presensya ng mga kapulisan sa tapat ng palengke ay isang paraan upang iparamdam sa mga taga-Angat na ang inyong kapulisan ay laging handang tumulong at nagbabantay para sa inyong kaligtasan. Nagsilbi rin itong pagkakataon upang talakayin ang mga usaping pang-seguridad sa mga residente at lokal na lider sa lugar.