PNP Angat, Naglabas ng ‘SUMVAC 2026 Safety Tips’ para sa mga Bakasyonista

Upang matiyak na mananatiling masaya at malayo sa anumang sakuna ang bakasyon ng mga Angatenyo at mga bisita, naglabas ng komprehensibong Safety Tips ang Angat Municipal Police Station (MPS) sa ilalim ng kampanyang “Ligtas SUMVAC 2026.”

Sa direktang pangangasiwa ni PMAJ JOEL M. ALBA, Chief of Police, binigyang-diin ng kapulisan na ang pakikipagtulungan ng publiko ay krusyal sa pagpapanatili ng kaayusan. "Ang layunin natin ay zero-incident ngayong tag-init, kaya naman mahalagang sundin ng ating mga kababayan ang mga simpleng paalala sa seguridad," ayon sa pamunuan ng Angat MPS.

Kasama sa mga inilabas na paalala ang pag-iingat sa mga tahanan bago umalis, pagtiyak sa kondisyon ng sasakyan, at pagiging mapagmatyag sa mga pampublikong pasyalan at resort sa loob ng bayan. Naka-deploy na rin ang mga Police Assistance Desks (PADs) sa mga istratehikong lugar upang mabilis na makatugon sa anumang emergency.

Hinihikayat ng PNP Angat ang lahat na maging "alertong bakasyonista" upang maiwasan ang mga insidente ng pagnanakaw, aksidente sa kalsada, at iba pang banta sa seguridad.