PNP Angat, Bukas na para sa Recruitment ng mga Bagong Patrolman at Patrolwoman para sa CY 2026

Isang magandang balita para sa mga nagnanais maging katuwang sa kapayapaan at kaayusan! Pormal nang inanunsyo ng Angat Municipal Police Station (MPS) ang pagtanggap ng mga aplikante para sa CY 2026 Patrolman/Patrolwoman Attrition Recruitment Program ng Police Regional Office 3 (PRO3).

Simula nitong ika-31 ng Marso, 2026, maaari nang magtungo ang mga interesadong aplikante sa Angat MPS upang isumite ang kanilang mga kumpletong documentary requirements folder para sa kaukulang Ad Hoc Recommendation.

Sa inilabas na paunawa, binigyang-diin ng kapulisan ang mga sumusunod na alituntunin:

• Dokumento: Siguraduhing kumpleto ang mga papeles. Tanging original at authenticated copies lamang ang tatanggapin.

• Kasuotan (Attire): Kinakailangang magsuot ng white round-neck T-shirt, maong pants, at rubber shoes (dominanteng puti) na may puting medyas.

• Grooming: Para sa kalalakihan, kinakailangan ang clean haircut at walang balbas o bigote. Para sa kababaihan, mandatory ang paggamit ng hairnet.

  
  

Layunin ng programang ito na makakalap ng mga tapat at dedikadong indibidwal na handang magsakripisyo at maging bahagi ng pagbabago sa bansa sa pamamagitan ng serbisyo-publiko sa ilalim ng Pambansang Pulisya.

Para sa mga karagdagang katanungan at impormasyon, ang mga aplikante ay malugod na inaanyayahang bumisita nang personal sa Angat Municipal Police Station.