PNP Angat at United Pentecostal Church, Nagkaisa sa Interfaith Meeting para sa Kapayapaan at Moralidad ng Bayan

Binigyang-diin ng Angat Municipal Police Station (MPS) ang kahalagahan ng espirituwalidad at pagkakaisa sa pagpapanatili ng kaayusan matapos makilahok sa isang Interfaith Meeting kasama ang United Pentecostal Church Philippines Inc. (UPCP) ngayong ika-18 ng Enero, 2026.

Sa ilalim ng superbisyon ni PCPT Jayson M. Viola, Officer-in-Charge, kinatawan ni PMSg Rodrigo Bryan B. Torres (Finance/MCAD PNCO) ang himpilan sa naturang pagtitipon na ginanap sa Barangay San Roque. Pinangunahan naman ni Pastor Emil Peralta ang panig ng UPCP.

Layunin ng dayalogo na patatagin ang ugnayan ng PNP at ng mga faith-based organizations sa bayan. Tinalakay sa pulong ang mga paraan kung paano makatutulong ang simbahan sa community-oriented policing, partikular na sa pagpapatibay ng moral at espirituwal na pundasyon ng mga mamamayan.

Ayon sa Angat MPS, ang ganitong mga hakbang ay mahalaga upang isulong ang respeto sa bawat relihiyon at hikayatin ang mas aktibong partisipasyon ng komunidad sa pagsugpo sa kriminalidad at pagpapanatili ng pampublikong kaligtasan.