PINALAKAS AT EPEKTIBONG UGNAYAN SA MGA SANGGUNIANG BARANGAY PARA SA PINALAKAS NA SERBISYO PARA SA MGA ANGATENYO

Naniniwala tayo na ang kaunlaran ng bayan ay nagsisimula sa maliliit na pamayanan. Kaya naman, patuloy nating pinapalakas ang koordinasyon sa mga Sangguniang Barangay upang matiyak na ang bawat programa at proyekto ng lokal na pamahalaan ay direktang tumutugon sa tunay na pangangailangan ng ating mga kababayan. Mula sa mga inisyatibong pangkabuhayan at pangkalusugan hanggang sa edukasyon at imprastruktura, sinisigurado nating walang barangay ang napag-iiwanan.

Sa pamamagitan ng pinalakas at epektibong pakikipag-ugnayan, naipadadala sa tamang ahensya at nabibigyan ng agarang aksyon ang mga isyu sa bawat barangay. Mas nagiging epektibo ang pamamahala dahil ang mismong komunidad ang nagiging katuwang sa pagbibigay ng solusyon. Ito ang ating paninindigan—isang gobyernong nakikinig, kumikilos, at tunay na naglilingkod para sa mas maunlad, mas inklusibo, at mas progresibong Angat.

#AsensoAtReporma