PESO Angat, Nagturo ng Hydroponics sa mga TUPAD Beneficiaries sa Brgy. Sto. Cristo

Isinulong ng Public Employment Service Office (PESO) ng Angat, Bulacan ang isang inisyatiba upang turuan ang mga benepisyaryo ng TUPAD (Tulong Panghanapbuhay sa Ating Disadvantaged/Displaced Workers) sa modernong pamamaraan ng pagtatanim na Hydroponics.

Ang pagsasanay ay isinagawa sa Barangay Sto. Cristo at naglalayong tugunan ang isyu ng food security at limitadong lupa na pwedeng taniman, lalo na sa urban at rural na kapaligiran.

Ang hydroponics ay isang makabago at walang-lupang paraan ng pagtatanim ng mga gulay at herbs. Ipinakita ito bilang isang praktikal na solusyon para sa mga komunidad na nahaharap sa seguridad sa pagkain.

Ang pakikilahok ng mga benepisyaryo ng TUPAD sa Sto. Cristo ay nagbigay-daan upang matuto sila ng bagong sistema sa pagtatanim na posibleng maging pinagmulan ng sariling produksyon ng pagkain (food production) at alternatibong paraan upang magkaroon ng ekstrang pagkakitaan.

Ang gawaing ito ay inisyatiba ng lokal na pamahalaan sa pamumuno ni Punongbayan Reynante S. Bautista na isulong ang Urban Agriculture, Food Sustainability, at Climate-Smart na kasanayan (Pagtatanim na angkop sa nagbabagong klima).