Partnership para sa Pagbabago: LGU Angat at Rebirth Philippines, Nagdaos ng MOA Signing

Pormal nang pinagtibay ng Pamahalaang Bayan ng Angat at ng Rebirth Philippines Therapeutic Community Foundation Inc. ang kanilang pagtutulungan sa pamamagitan ng isang Memorandum of Agreement (MOA) Signing para sa pagtataguyod ng isang rehabilitation facility sa bayan.

Pinangunahan ni Mayor Reynante "Jowar" S. Bautista ang seremonya kasama sina Konsehal Evelyn "Blem" J. Cruz, SK President Mary Grace Evangelista, MLGOO Cecilia R. Caburnay, OIC Municipal Administrator Carlos R. Rivera Jr., MADAC Focal Person Dr. Miel Kathleen Franco, at Municipal Health Officer Dr. Jimmy Cruz.

Dumalo rin sa aktibidad sina Dr. Joseph Mauro Sayo na Medical Director at DOH-accredited physician, Center Director John Mark Uychoco, PDEA Provincial Officer Liwanag Sandaan, Sonny San Pedro ng Pearl of the Orient, pati na rin ang mga kinatawan mula sa PNP Angat, BFP Angat, at iba pang kawani ng lokal na pamahalaan.

Sa pamamagitan ng kasunduang ito, naglalayon ang LGU Angat na mas mapalakas pa ang mga programa at serbisyong nakatuon sa rehabilitasyon, recovery, at reintegration upang maipagkaloob ang kinakailangang suporta at intervention para sa pagbabagong-buhay ng mga kwalipikadong indibidwal at ng kanilang mga pamilya.