Pamahalaang Bayan ng Angat, Isinusulong ang Libreng Bakuna sa Ilalim ng MRSIA
- Angat, Bulacan
- Aug 10
- 1 min read
Aktibong isinusulong ng Pamahalaang Bayan ng Angat, sa pakikipagtulungan ng Angat Rural Health Unit (RHU), ang malawakang kampanya para sa Measles-Rubella Supplemental Immunization Activity (MRSIA) upang maprotektahan ang kalusugan ng mga kabataan sa bayan.
Isinasagawa ang naturang suplementaryong pagbabakuna mula Agosto 10 hanggang Agosto 28, 2026 sa iba't ibang barangay at health center sa buong bayan ng Angat.
Layunin ng programang ito na sugpuin ang pagkalat ng tigdas (measles) at tigdas-hangin (rubella) sa pamamagitan ng pagbibigay ng karagdagang proteksyon sa mga bata.
Binigyang-diin ng lokal na pamahalaan at ng RHU ang kahalagahan ng pakikiisa ng bawat pamilya sa naturang inisyatibo.
Hinimok ng mga opisyal ng kalusugan ang mga magulang at tagapangalaga na dalhin ang kanilang mga anak sa pinakamalapit na health center upang matiyak na sila ay mabibigyan ng ligtas at libreng bakuna.
Comments