Pakikilahok ng Kabataan sa Pamamahala, Tatalakayin sa Boys' and Girls' Week 2026

Ipagpapatuloy ng Angat Local Youth Development Council (LYDC Angat) ang serye ng talakayang "A Voice for Good Governance" sa Setyembre 8, 2026, na gaganapin sa New Municipal Conference Hall bilang bahagi ng pagdiriwang ng Boys’ and Girls’ Week 2026.

Sa inilabas na anunsyo ng LYDC, binigyang-diin ang layunin ng susing aktibidad na ito: ang palakasin ang kaalaman at partisipasyon ng mga kabataang Angatenyo sa mga usaping may direktang epekto sa kanilang komunidad at kinabukasan.

Magiging pokus ng talakayan ang mahalagang papel ng kabataan sa representasyon, responsableng pamumuno, at aktibong pakikilahok sa lokal na pamamahala.