Pagtatalaga ng Bagong Tagamasid Pampurok sa Bayan ng Angat

Ginanap sa Angat Municipal Gymnasium ang makasaysayang pagtatalaga, pagsasalin, at pagtanggap ng tungkulin para sa bagong Tagamasid Pampurok ng ating bayan, si Dr. Guillermo J. Flores. Ang kaganapang ito ay sinaksihan ng ating Punong Bayan Reynante S. Bautista, Pangalawang Punong Bayan Arvin Agustin, mga miyembro ng Sangguniang Bayan, mga guro, punong-guro, at mga kapwa tagamasid pampurok mula sa bayan ng Angat at San Miguel North.

Pinasasalamatan ng Pamahalaang Bayan ng Angat ang ating dating Tagamasid Pampurok na si Bb. Angelita C. Baltazar para sa kanyang buong pusong dedikasyon at walang sawang paggabay sa larangan ng edukasyon sa ating bayan.