Pagpaplano ng Pamilya, Susi sa Malusog na Kinabukasan sa Paltoc at Niugan

Upang masiguro ang maayos na pagbubuntis at mapalakas ang kaalaman sa responsableng pagpapamilya, nagsagawa ng "USAPAN Buntis on Family Planning" ang mga health worker nitong ika-7 ng Abril, 2026, sa Niugan Health Station.

Ang nasabing sesyon ay nilahukan ng mga buntis at mga magulang mula sa Barangay Paltoc at Barangay Niugan. Ang aktibidad ay bahagi ng patuloy na kampanya ng lokal na pamahalaan at ng Rural Health Unit (RHU) upang magbigay ng tamang impormasyon tungkol sa:

• Family Planning: Pagbibigay ng kaalaman sa mga paraan at benepisyo ng pagpaplano ng pamilya para sa kalusugan ng ina at ng sanggol.

• Maternal Health: Pagtuturo sa mga tamang gawi sa panahon ng pagbubuntis upang maiwasan ang mga komplikasyon.

• Responsableng Pagulang: Paghahanda hindi lamang sa pisikal kundi maging sa aspetong pinansyal at emosyonal ng pagpapalaki ng anak.

Naging masigla ang palitan ng kuro-kuro sa nasabing USAPAN Buntis, kung saan nabigyan ng pagkakataon ang mga ina na magtanong at makatanggap ng direktang payo mula sa mga propesyonal sa kalusugan.