Pag-asa sa Bawat Patak: Blood Donation Drive sa Brgy. Donacion

Sa layuning makapagligtas ng buhay at makatulong sa mga nangangailangan, magsasagawa ng Voluntary Blood Donation 2026 sa Teodoso Manuel Elementary School sa ika-10 ng Marso, 2026.

Ang nasabing aktibidad, na may temang “Magbigay ng Dugo. Magbigay ng Buhay,” ay isasagawa mula alas-8:00 ng umaga hanggang alas-12:00 ng tanghali. Ito ay sa ilalim ng inisyatibo ng Sangguniang Barangay ng Donacion sa pakikipagtulungan sa mga lokal na ahensya ng kalusugan.

Ayon sa pamunuan ng barangay, ang bawat patak ng dugong nalikom ay nagsisilbing simbolo ng pag-asa para sa mga pasyenteng nangangailangan ng agarang medikal na tulong sa mga ospital.