PAALALA SA MGA NEGOSYANTE: Bayad sa Business Tax para sa 3rd Quarter, Hanggang Ngayong Hulyo 20 Na Lang — BPLO Angat

Naglabas ng babala at paalala ang Business Permits and Licensing Office (BPLO) ng Angat para sa lahat ng mga negosyante at taxpayer sa bayan ukol sa nalalapit na deadline ng pagbabayad ng lokal na buwis sa negosyo.

Para sa mga nagbabayad sa ilalim ng semi-annual at quarterly na iskedyul, ang huling araw ng pagbabayad ng 3rd Quarter Business Tax ay ngayong araw, Hulyo 20, 2026.

Hinimok ng BPLO ang mga may-ari ng negosyo na magbayad sa tamang oras upang maiwasan ang mga karagdagang multa, surcharge, at interes na ipinapataw sa mga huling magbabayad.

Ang mabilis at tapat na pagbabayad ng buwis ay malaking tulong upang patuloy na maipagkaloob ng Pamahalaang Bayan ng Angat ang mga pangunahing serbisyo at proyektong pangkabuhayan sa buong munisipyo.