ORAS NG SENIOR’S YEAR-END PARTY SA MARUNGKU, BINAGO

Naglabas ng mahalagang anunsyo ang Sangguniang Barangay ng Marungku para sa lahat ng mga nakatatandang residente hinggil sa gaganaping Senior’s Year-End Party.

Sa darating na ika-18 ng Disyembre, 2025 (Huwebes), magkakaroon ng bahagyang pagbabago sa itinakdang oras ng selebrasyon. Sa halip na sa dating iskedyul, ang party ay pormal nang magsisimula sa ganap na ika-2 ng hapon (2:00 PM).

Mananatili ang lokasyon ng pagtitipon sa Marungku Multi-Purpose Gym. Inaasahan ang masayang programa, kantahan, at iba’t ibang sorpresa para sa ating mga mahal na lolo at lola bilang pagdiriwang sa pagtatapos ng taon.