Operation Tuli sa Barangay Laog, Matagumpay na Naisagawa

Bilang bahagi ng mga programang pangkalusugan ngayong panahon ng bakasyon, matagumpay na idinaos ang Operation Tuli sa Laog Multipurpose Hall nitong ika-7 ng Abril, 2026.

Ang nasabing aktibidad ay naglayong magbigay ng libre at ligtas na serbisyong surgical para sa mga kabataang lalaki sa Barangay Laog at mga karatig-pook. Sa pangunguna ng mga bihasang doktor at health workers mula sa Municipal Health Office, siniguro na ang bawat operasyon ay isinagawa nang may pag-iingat at pagsunod sa mga sanitary protocols.