MSWD Angat at FSCAP, Nagpulong para sa Buwanang Agenda

Binigyang-halaga ang kapakanan at mga programa para sa mga nakatatanda sa isinagawang Monthly Meeting ng Federation of Senior Citizens Associations of the Philippines (FSCAP) ngayong ika-27 ng Pebrero, sa pakikipagtulungan ng Municipal Social Welfare and Development Office (MSWD) Angat.

Ang pagtitipon ay dinaluhan ng mga pangulo ng senior citizens mula sa iba’t ibang barangay ng Angat upang pag-usapan ang mga mahahalagang updates, benepisyo, at mga nakalinyang aktibidad para sa sektor ng mga lolo at lola sa bayan.