Mga Youth Organization sa Angat, Inaanyayahang Magparehistro sa YORP

Upang mas palakasin ang boses, kakayahan, at representasyon ng mga lider-kabataan sa lokal na pamamahala, opisyal na inanyayahan ng Local Youth Development Office (LYDO) at ng Angat Local Youth Development Council (LYDC) ang lahat ng Youth at Youth-Serving Organizations sa bayan na magparehistro sa Youth Organization Registration Program (YORP).

Ang YORP ay isang pambansang inisyatiba sa ilalim ng National Youth Commission (NYC) na naglalayong opisyal na kilalanin ang mga grupo ng kabataan upang maging katuwang ng pamahalaan sa pagpapatupad ng mga makabuluhang programa sa komunidad.

Bukas ang pambansang rehistrasyon para sa iba't ibang sektor ng mga organisasyong pangkabataan sa Angat, tulad ng:

• Community-Based Youth Organizations (mga grupong pambarangay o pampamayanan)

• School-Based Youth Organizations (mga samahan ng mag-aaral sa paaralan)

• Faith-Based Youth Organizations (mga grupong pangkabataan sa simbahan o relihiyon)

• Youth-Serving Organizations (mga organisasyong naglilingkod at sumusuporta sa kabataan)

Ayon sa LYDO-Angat, ang isang organisadong kabataan ay mahalagang haligi sa pagbuo ng mas maunlad at empowered na bayan. Kabilang sa mga benepisyong matatanggap ng mga rehistradong grupo ay ang mga sumusunod:

• Opisyal na Pagkilala: Pagiging accredited na organisasyon ng NYC at ng LGU Angat.

• CapDev at Leadership Trainings: Pagkakataong makasali sa mga libreng seminar at pagsasanay sa pamumuno.

• Networking at Partnerships: Mas malawak na ugnayan sa iba pang youth organizations sa lalawigan at buong bansa.

• Representasyon: Pagkakaroon ng direktang boses sa pagbuo ng mga lokal na patakaran at programa para sa kabataan.

Maaaring i-download ang mga kinakailangang template forms sa link na tinyurl.com/LYDO-NYC-YORP-TEMPLATE at ipasa ang aplikasyon sa tinyurl.com/REGISTRATION-YORP.

Mga Kakailanganing Dokumento:

• Accomplished Angat LYDO & NYC Registration Form

• Endorsement Letter mula sa naaangkop na awtoridad

• Constitution and By-Laws ng organisasyon

• Letter of Intent

• Talaan ng mga opisyal, advisers, at miyembro (Members in Good Standing)

• General Plan of Activities (GPOA)

Para sa karagdagang katanungan, maaaring magpadala ng mensahe sa opisyal na email address ng konseho sa lydc.angat@gmail.com o bumisita sa tanggapan ng Local Youth Development Office sa Municipal Hall.