Mga Plano para sa Programa, Proyekto at Aktibidades, Pinag-usapan sa Isinagawang Pulong

Sa isinagawang Department Heads Meeting sa tanggapan ng Punong Bayan, aktibong ipinasa at binahagi ang mga bagong update at plano para sa mga Programa, Proyekto at Aktibidades (PPA) ng ating bayan sa darating na taon, 2024. Nagbahagi ng kanilang mga pananaw at ideya ang mga opisyal na dumalo, kabilang ang ating Punong Bayan na si Reynante S. Bautista, Pangalawang Punong Bayan na si Arvin L. Agustin at Municipal Administrator Noel C. Alquino, kasama ang iba pang mga lider ng mga tanggapan.

Sa pagtitipon na ito, nagsilbing tulay ang masusing pag-uusap at pagtutulungan upang mapatibay ang koordinasyon sa pagitan ng mga sektor ng pamahalaan. Isang mahalagang hakbang ito patungo sa mas maunlad at makatarungan kinabukasan ng ating bayan. Sa pagkakaisa ng mga opisyal at lider ng bayan, tayo ay magtatagumpay sa pagharap sa mga hamon at pagpapabuti ng serbisyong pampubliko.