MGA MAGSASAKA NG GULAY SA ANGAT, INAANYAYAHAN SA ‘VEGETABLES BIG MEETING’ NG LEADS AGRI

Panawagan ngayon ng Municipal Agriculture Office (MAO) ng Angat sa lahat ng mga nagtatanim ng gulay sa bayan ang pagdalo sa gaganaping Vegetables Big Meeting na inorganisa katuwang ang LEADS Agri ngayong darating na Agosto 7, 2026.

Isasagawa ang naturang malaking pagpupulong at talakayan simula 8:00 ng umaga sa San Roque Covered Court, na matatagpuan sa likod ng New Angat Municipal Hall.

Naglalayon ang aktibidad na ibahagi ang mga makabagong solusyon sa agrikultura at talakayin ang mga sumusunod na paksa:

• PAGSULONG NG EPEKTIBONG CROP MANAGEMENT: Praktikal na gabay sa pangangalaga ng mga pananim upang masiguro ang masaganang ani.

• MGA PRODUKTO AT TEKNOLOHIYA: Pagpapakilala sa mga produktong tulad ng Brofeya, Tecamin Max, Fusion, Starkle, Nano Urea, at Ceres.

• PAG-IWAS SA PESTE AT SAKIT: Pagsugpo sa mga karaniwang peste at karamdaman ng pananim tulad ng White Flies, Green Leafhoppers (GLH), Fall Armyworm (FAW), at Fungus.

  
  

Inaasahan ng MAO at LEADS Agri ang aktibong partisipasyon ng mga lokal na magsasaka upang sama-samang maitaguyod ang mas malusog na mga pananim at mas produktibong pag-aani sa buong Bayan ng Angat.