Mga Kumpiskadong Open Pipe Mufflers, Winasak sa Angat

Bilang bahagi ng mas malawak na programa para sa kaayusan at katahimikan ng publiko, isinagawa ng Pamahalaang Bayan ng Angat ang isang Ceremonial Destruction of Confiscated Open Pipe Mufflers.

Ang nasabing aktibidad ay pinangunahan ng Angat Municipal Police Station (PNP), katuwang ang lokal na pamahalaan at sa pakikipagtulungan ng Angateño Riders Club, Angat Traffic Management Office (ATMO), at ang Municipal Environment and Natural Resources Office (MENRO).

Ang hakbang na ito ay sumisimbolo sa nagkakaisang aksyon ng iba’t ibang sektor sa mahigpit na pagpapatupad ng mga regulasyon laban sa paggamit ng mga ilegal at maiingay na tambutso. Ayon sa pamunuan, ang pagpapatigil sa paggamit ng open pipes ay isang krusyal na hakbang upang matiyak ang kaligtasan ng mga motorista at mapangalagaan ang kapayapaan sa mga lansangan at residential areas.

Sa pamamagitan ng patuloy na disiplina at kooperasyon ng bawat Angatenyo, layunin ng administrasyon na mapanatili ang isang ligtas, maayos, at mapayapang bayan na malayo sa polusyon sa ingay at mga panganib sa kalsada.