Mensahe ng Pag-unawa mula kay Mayor Jowar Bautista ngayong Kapaskuhan

Binigyang-paliwanag ni Punong Bayan Reynante "Jowar" S. Bautista ang naging reaksyon ng ilan sa mga ikinabit na tarpaulin sa bayan na inakalang may maling disenyo o petsa. Ayon kay Mayor Jowar, ang pangyayaring ito ay isang mahalagang paalala sa lahat tungkol sa kahalagahan ng masusing pag-unawa bago maglabas ng anumang paghuhusga.

Sa kanyang mensahe, binigyang-diin ng Punong Bayan na ang tunay na diwa ng Pasko ay hindi lamang matatagpuan sa panlabas na anyo o mga materyal na bagay. Sa halip, ito ay nasa mas malalim na pagsusuri sa esensya ng pagkakaisa at malasakit sa kapwa. Hinimok niya ang mga Angateño na ituon ang pansin sa mga pagkilos na nagdudulot ng tunay at pangmatagalang pagbabago sa buhay ng bawat isa.