MENRO Angat, Nakiisa sa Pagdiriwang ng Zero Waste Month; Responsableng Pamamahala sa Basura, Binigyang-Diin

Sa pagdiriwang ng National Zero Waste Month ngayong buwan ng Enero, pormal na inilunsad ng Municipal Environment and Natural Resources Office (MENRO) - Angat ang kanilang kampanya na may temang "Be Responsible for the Waste We Generate."

Layunin ng programang ito na paigtingin ang kamalayan ng mga Angateño sa epekto ng basura sa kapaligiran at hikayatin ang bawat isa na magkaroon ng disiplina sa pagtatapon at pagbabawas ng dumi. Ayon sa MENRO, ang tunay na solusyon sa problema sa basura ay nagsisimula sa loob ng bawat tahanan sa pamamagitan ng tamang segregasyon at ang pag-iwas sa paggamit ng single-use plastics.