MDRRMO at MPDO, Nagsagawa ng Field Validation sa Brgy. Pulong Yantok

Bilang bahagi ng masusing pagpaplano para sa kaligtasan ng komunidad, nagsagawa ng Field Validation ang Angat Municipal Disaster Risk Reduction and Management Office (MDRRMO) katuwang ang Municipal Planning and Development Office (MPDO) ngayong ika-20 ng Pebrero, 2026 sa Barangay Pulong Yantok.

Ang nasabing aktibidad ay pinangunahan ni G. Carlos R. Rivera Jr., MGDH I (MDRRMO) at ni Engr. Romeo Tigas mula sa MPDO. Ito ay alinsunod sa direktiba ni MDRRM Council Chairman at Punong Bayan Hon. Reynante "Jowar" S. Bautista na tiyaking dumaan sa tamang pagsusuri ang bawat proyektong pang-imprastraktura na naglalayong mabawasan ang panganib sa panahon ng sakuna.